वरील वृत्ता विषयी अधिक माहिती अशी की, सय्यद रशिद यांचे करंजी येथे न्यू परफेक्ट नावाचे टायरचे दुकान आहे. ते टायरचे दुकान चालवून कुटुंबाची उपजीविका चालवतात. त्यांनी दिनांक ४ ऑगस्ट २०२० रोजी सायंकाळी ५ च्या सुमारास नेहमीप्रमाणे दुकान बंद करून राहत्या घरी गेले. तसेच बुधवारी ५ ऑगस्ट रोजी दुकानाचा बंद वार असल्याने त्यांनी दुकान उघडले नाही. परंतु आज सकाळी ९ वाजता नेहमीप्रमाणे दुकान उघडून आत प्रवेश केला असता टायर दुकानाचे गोडाऊन मधील छताच्या वरील पत्रा कोणीतरी उचकटलेला दिसून आला व गोडाऊन मधील टूब, टायर चोरीस गेल्याचे त्यांच्या लक्षात आले. ९३,२६० रुपये किंमतीचे त्यात सी ए टी कंपनीचे, केंदा कंपनीचे वेगवेगळ्या साईजचे नवीन टायर दि.४ ऑगस्टच्या सायंकाळी पाच ते ६ ऑगस्ट रोजी सकाळी नऊ वाजायच्या दरम्यान गोडाऊन मधील ट्यूब व टायर कोणीतरी अज्ञात चोरट्याने चोरून नेले. याबाबत सय्यद रशीद यांनी दिलेल्या फिर्यादीनुसार भा.द.वि कलम ४५४, ४५७, ३८० नुसार पाथर्डी पोलीस ठाण्यात अज्ञात चोरट्याविरुद्ध फिर्याद नोंदवली आहे व पुढील तपास पाथर्डी पोलीस ठाण्याचे पोलीस हेडकॉन्स्टेबल अरविंद चव्हाण हे करत आहेत.
करंजी येथील न्यू परफेक्ट टायर दुकानात चोरी
• Ramesh bramha
